Mag-asawa kinatay, binoga

MANILA, Philippines – Brutal na kamatayan ang sinapit ng mag-asawa makaraang pagtatagain at barilin ng tatlong lalaki sa loob ng kanilang bahay sa Barangay Rizal, Bacolod City, Negros Occidental noong Sabado ng gabi. Ayon sa pulisya, nagtamo ng apat  na tama ng bala ng baril si Silverio Caro habang ang misis nitong si Nina Caro ay ginilitan at pinagtataga sa dalawang braso. Nakauwi na ang mag-asawa mula sa panonood ng cockfight nang pasukin ng mga suspek bandang alas-8 ng gabi. Sa pahayag ni Roland Caro na inutusan siya ng kanyang mga magulang na bumili ng maiinom sa tindahan habang ang kanyang pinsang si Vergilio Calibog ay nagluluto sa kusina ng kanilang bahay. Gayon pa man, nang dumating si Ronaldo sa bahay ay duguang nakabulagta ang kanyang mga magulang. Arestado naman ang mga suspek na sina Danilo Palacios at Jolito Mahusay. Inaresto rin ng pulisya si Calibog na sinasabing kasabwat sa krimen. Sinasabing inakusahan ng mag-asawa ang mga suspek na nagnakaw ng malaking halaga.