Mister kinatay, pinutulan ng ari

TUGUEGARAO CITY, Cagayan, Philippines – Brutal na kamatayan ang sinapit ng 46-anyos na mister sa kamay ng pinaniniwalaang kaagaw niya sa bawal na pag-ibig matapos itong katayin ay pinutulan pa ng ari sa Cabisera 14-16, Barangay Hacienda San Antonio, Ilagan City, Isabela kamakalawa. Kinilala ni Supt. Vicente Valdez, hepe ng Ilagan City PNP ang biktima na si Carlos Montereal Jr. Ayon sa mga nakakita, tadtad ng taga sa buong katawan ang biktima saka ibinusal pa ang ari nito sa bibig nang madiskubre sa tabi ng ilog dakong alas-10 ng gabi. Sinisilip ng pulisya ang anggulong love triangle dahil sa kumakalat na tsismis na may karelasyon ang biktima sa babaeng may asawa.