‘Drug trader’ nilikida

BULACAN, Philippines – Bulagta ang 50-anyos na mister na sinasabing notoryus na nagtutulak ng shabu matapos itong ratratin ng motorcycle-riding gunmen habang nakikipag-usap sa kanyang anak sa Barangay Subic, bayan ng Baliwag, Bulacan kamakalawa ng gabi.

Limang bala ng cal. 45 pistol ang tumapos sa buhay ni Juaning Gonzales ng F. Rustia extention sa nasabing barangay.

Base sa imbestigasyon nina PO3 Jeshrael Yahwe Giron at PO2 Joselito Guevarra, magkausap ang biktima at anak na si Jomar nang  lapitan at pagbabarilin ng dalawang di-kilalang lalaki na lulan ng motorsiklo.

Hindi naman idinamay ang anak na nasaksihan ang pagpatay sa kanyang ama na naisugod sa Marcelo Hospital subalit idineklarang patay.

Isinuko naman sa pulis­ya ng mga umasikasong doktor ang dalawang plastic sachet ng shabu na narekober sa bulsa ng biktima.