Barangay kalihim kinatay

LEGAZPI CITY, Albay, Philippines - Napagtripang pagtatagain hanggang sa mapatay ang isang 64-anyos na barangay kalihim ng isang senglot na mister kamakalawa ng gabi sa Barangay Alin sa bayan ng Donsol, Sorsogon. Kinilala ng pulisya ang napaslang na si Levy Rabulan habang tugis naman ng pulisya ang suspek na si Gomer Velasco ng Barangay Baras. Sa police report, lumilitaw na naglalakad pauwi ang biktima kasama ang isang kapitbahay mula sa pakikipagpulong sa kay Chairman Erwin Vista nang harangin at pagtatagain ng suspek na lango sa alak.