2 dedo sa road mishap

CAVITE, Philippines  – Kamatayan ang sumalubong sa magkabigan na magkaangkas sa motorsiklo matapos mahagip ng ar­mored van bago sumalpok sa punongkahoy kahapon ng umaga sa kahabaan ng Governor’s Drive sa Barangay Langkaan 1, Dasmariñas City, Cavite.

Kinilala ang mga biktima na sina Ralph Jeo Trinidad, 19; at  Vanessa Malihan, 22, sales lady ng Kiko Rosa kapwa residente ng Barangay San Francisco, General Trias, Cavite. Kasalukuyang nasa pangangalaga ng pulisya ang suspek na si Mario Ricohermoso, 27, driver/security, ng Block 8 Lot 22, South Fairway Homes, Barangay Landayan, San Pedro, Laguna.

Lumilitaw na magkaangkas sa motorsiklo ang dalawa nang masagi ng armored van (CJK-429) kaya agad na nawalan ng control sa manibela si Trinidad kung saan sumalpok sa punongkahoy.