2 gun runner arestado

BULACAN, Philippines — Kalaboso, ang binagsakan ng dalawang lalaki matapos maaresto ng mga tauhan ng Criminal Investigation and Detection Group na nagbebenta ng baril ng walang kaukulang papeles sa magkahiwalay na lugar sa lalawigan ng Bulacan kahapon. Pormal na kakasuhan ni P/Chief Insp. Marlon Santos ang mga suspek na sina Joseph Barlan, 35, ng Brgy.Cutcot, Pulilan at Alimbsar Rascan, 39, ng  Brgy. Saluysoy, Meycauayan City, Bulacan. Ayon sa police report, si Barlan  ay naaresto sa loob ng hotel sa bayan matapos ang entrapment operation. Samantala, si Rascan ay nadakma sa Brgy. Bañga 2nd sa bayan ng Plaridel matapos makumpiskahan ng shotgun at 4-bala.