Kinidnap na trader pinalaya

MANILA, Philippines - Pinaniniwalaang nagbayad ng malaking ha­laga kaya pinalaya ang kinidnap na may-ari ng gasolinahan kamakalawa ng gabi sa kahabaan ng General Luna Street sa Cotabato City. Bandang alas-6 ng gabi nang paka­walan si Rodolfo Chio, 68. Si Chio ay sinasabing dinukot ng mga tauhan ni Commander King ng Pentagon-kidnap-for-ransom gang sa bisinidad ng Brgy. Poblacion, sa bayan ng Datu Piang, Maguindanao noong Linggo ng hapon. Magugunita na napaulat na humihingi ng P6 milyong ransom ang mga kidnaper sa pamilya ni Chio para mapalaya.