Ginahasa muna saka binasag ang ulo

CAMARINES NORTE, Philippines — Apat na araw nang nadis­kubre kamakalawa ng hapon ang naaagnas na bangkay ng isang dating Japayuki na nadiskubre ng mga batang na­mumulot ng basura sa abandonadong gusali sa Vinzons Avenue sa Barangay Lag-on sa bayan ng Daet, Camarines Norte.

Kinilala ng pulisya ang na­paslang na si Regina He­rico, tubong Brgy Ba­gong Si­lang sa bayan ng Labo, Ca­marines Norte.

Sa panayam kay Jason Zaldua, kawani ng PBN dz­MD, napag-alaman na ang bik­­tima ay 10-taong na­nini­rahan sa aban­do­nadong gu­sali malapit la­mang sa ka­nilang him­pilan ng radio. 

Sinasabing nasiraan ng bait ang biktima matapos na ito ay pumuntang Japan kung saan napabayaan na ng kan­yang pamilya hang­gang sa ito ay maging pa­laboy na la­mang.

Dahil sa may angking kagandahan ang biktima, ayon sa source, nabun­tisan at naanakan ng tat­long beses at hindi ma­laman ang kinaro­roonan ng mga bata. 

Bago naganap ang kri­men, isa sa mga anggulo na ti­ni­tingnan ng pulisya ay ang biglaang pagkawala ng mag-asawa na naninirahan din sa katabing abando­nadong gu­sali matapos mabalitaan ang krimen.

Natagpuan ang naa­agnas na bangkay ni He­rico na walang suot na underwear at basag ang bungo. Patuloy ang imbes­tigasyon ng mga tauhan ni P/Supt. Domingo Men­daza, para matukoy ang kriminal.