Imbakan ng troso naging tourist spot

ILAGAN,Isabela, Philippines — Na­ging tourist spot ang Iligan Gymnasium kung saan na­kaimbak ang 1.8 milyon na bilang ng troso at ibat-ibang uri ng kahoy na sinasabing nakumpiska ng mga awto­ridad sa kagubatang sakop ng Isabela.

Hindi maiwasang punta­han ng mga local na turista at mga estudyante mula sa iba’t ibang paaralan na nagsagawa ng field trip sa malawak na Ilagan Gymnasium kung saan naipon ang ibat-ibang uri ng kahoy na nakumpiska ng Anti-Illegal Logging Task Force na pinangungunahan mismo ni Isabela Governor Grace Padaca.

Maging si Sen. Benigno “Nonoy” Aquino Jr ay personal na nagtungo sa nabanggit na lugar kung saan nagimbal sa nasaksihang napakaraming troso at ibat-ibang uri ng kahoy na nagkalat sa labas at loob ng gymnasium.

Napag-alamang magka­kasunod na raid ang isina­gawa ng task force sa pa­ngunguna ni Padaca sa ibat-ibang lugar sa Isabela par­tikular na sa bayan ng San Mariano kung saan nila na­kumpiska ang pinaka­ma­laking bilang ng mga ka­ hoy. Victor Martin