Publisher natagpuang isa nang bangkay

DARAGA, Albay – Isang publisher ng isang lokal na diyaryo sa Masbate ang natagpuang isa nang malamig na bangkay matapos na ito ay ma­kitulog lamang sa printing press na nagli­limbag ng kanyang pahayagan sa Doña Maria Subd, Barangay Tagas, Daraga.

Nakilala ang biktima na si Gerry Ortega, 39,  may asawa, publisher ng Masbate Sun Star at residente ng Barangay Tigbao, Aroroy, Masbate.

Ayon sa ulat ng pulisya, ang bangkay ng biktima ay natagpuan dakong alas-5:00 ng umaga sa loob ng printing press na pag-aari ng isang nakilalang Enrico Gonzales.

Napag-alaman na ang biktima ay dinala ang kanyang pinagagawang diyario dakong alas 11:00 ng gabi. Dahil sa lakas ng ulan sa labas at wala nang masakyan, nakitulog na lamang siya roon. (Ed Casulla)