Magsasaka tinarakan ng bayaw, todas

GEN. EMILIO AGUINALDO, Cavite – Isang 28 anyos na magsasaka ang nasawi matapos na saksakin ng kanyang bayaw na napikon sa kanilang argumento habang sila ay nag-iinuman kamakalawa ng hapon sa Brgy. Kaypaaba ng bayang ito.

Hindi na umabot ng buhay sa Poblete De La Salle Hospital ang biktimang si Joel Bautista, may-asawa, residente ng nasabing lugar sanhi ng dalawang saksak sa katawan.

Boluntaryong sumuko ang suspek na si Edison Gluton, 21, may-asawa, residente ng nasabing lugar sa kanilang Mayor na si Dencito Campana.

Lumalabas sa ulat, dakong alas-4 ng hapon ay nag-iinuman ang magbayaw nang magkaroon ng hindi pa mabatid na dahilan na ikinapikon umano ng suspek.

Kinuha ng suspek ang dalang balisong at tinarakan ng patalim ang bayaw. (Ulat ni Cristina Go-Timbang)