Trader nalitson sa sunog

KAWIT, Cavite – Hindi na nakalabas pa ng buhay sa kanyang kinatutulugang tindahan sa loob ng pampublikong palengke ang isang negosyanteng lalaki makaraang masunog ito kamakalawa ng gabi sa Binakayan, Kawit, Cavite.

Nalitson ng buhay ang biktimang si Ronald Bernos, 25, may asawa at may-ari ng stall no. 27 ng naturang lugar.

May teorya ang mga tauhan ni P/Supt. Victorino Caseres, hepe ng pulisya sa bayang ito na ang biktima ay mahimbing na natutulog sa sariling tindahan ng maganap ang sunog dakong alas-11:30 ng gabi at mabilis na kumalat ang apoy sa mga kalapit na tindahan. (Ulat ni Cristina Go-Timbang)