Vlogger na nagsuot ng PNP uniform, inaresto

MANILA, Philippines — Inaresto ng mga awtoridad ang vlogger na si Norman Mangusin o kilala bilang si Francis Leo Marcos sa isang hotel sa Pasay City nitong Martes habang ito ay naka-live stream.
Ayon kay National Police Commission (NAPOLCOM) vice chairperson at executive officer Rafael Vicente Calinisan, isinilbi ng Criminal Investigation and Detection Group-National Capital Region (CIDG-NCR) ang warrant.
“I confirm that the PNP-CIDG-NCR just arrested Mangusin in (a hotel) by virtue of a warrant of arrest issued by the Regional Trial Court Branch 294 of Para?que,” ani Calinisan.
Noong Pebrero 17, sinabi ng CIDG na iniimbestigahan si Mangusin dahil sa viral na larawan niya na nakasuot ng uniporme ng pulis.
Nauna nang sinita ng PNP si Mangusin at nagsabi na posibleng sampahan ito ng reklamong “usurpation of authority and illegal use of uniforms or insignia.”
Nag-ugat ito sa larawang kumalat online na si Mangusin ay nakasuot ng “ceremonial blue” police uniform.
Sinabi naman ng vlogger na ang larawan ay inedit at pinakalat umano online ng kanyang mga kritiko.
- Latest















