Gastos sa medikasyon hindi na kaya ng pamilyang mababa ang sahod
MANILA, Philippines — “With the rosy picture promised by Universal Healthcare, 45 percent of costs to seek medical attention is crippling for the low wage-earning families, especially now’.
Ito ang naging pahayag ni Anak Kalusugan Partylist Rep. Ray Florence Reyes na hindi na abot kaya ang gastusin sa medikasyon para sa lahat ng miyembro ng mga pamilyang mababa ang suweldo na lubhang nakakabagabag.
Isa naman sa mga pangunahing dahilan ay ang sobrang mahal ng mga bilihin kung kaya napapabayaan na ng mahihirap na mga pamilya na pangalagaan ang kanilang kalusugan.
Nanawagan din si Reyes sa mga kasamahang mambabatas sa Kongreso na imbestigahan ang nasabing problema.
Tinukoy ng solon na sa isinagawang pagdinig ng Kamara ay ibinulgar ng Philippine Health Insurance Corp. (PhilHealth) na out-of-pocket expenditures mula sa 34 hanggang 44.7% ang binabalikat ng mga Pinoy.
Kaugnay nito, nagsagawa si Reyes ng free medical mission sa ilang mga barangay sa lalawigan ng Bulacan upang kahit papaano ay makatulong sa mga mahihirap na pamilya.
- Latest