Libong Pinoy na mahirap natulungan ng Pitmaster
MANILA, Philippines — Sa unang taon na pagbibigay ng serbisyo ay nasa libong Pinoy sa bansa na nangangailangan ang natulungan ng Pitmaster Foundation.
Ang Pitmaster Foundation, na isang pambansang organisasyon ng kawanggawa na may malakas na ugnayan sa mga komunidad at mga institusyonal na kasosyo, ay isa sa pinakamalaking pribadong sektor na pinagmumulan ng tulong medikal at pinansyal sa mga mahihirap.
Sa unang taon nito, sa pamumuno ng chairman na si Charlie “Atong” Ang, ang foundation na pinangunahan ng Executive Director nitong si Atty. Caroline Cruz, na nagtutungo sa iba’t ibang panig ng bansa sa gitna ng banta ng pandemya, upang tulungan ang libu-libong Pilipino mula Luzon, Visayas at Mindanao, na naging sanhi upang tumatak sa isipan ng mga tao ang kahulugan ng PITMASTER (Providing Indigent Timely Medical Assistance Service and Targeted Emergency Relief).
Nirerekognisa rin sila dahil sa kanilang pagsisikap na tumulong sa paglaban sa COVID-19, gayundin laban sa kagutuman, kahirapan, at pagkawala ng kabuhayan na kaakibat nito.
Ayon kay Atty. Cruz, ang foundation ay nakatulong na sa halos 13,000 Pilipino sa kanilang mga dialysis treatment at nagbigay din ito ng tulong na pagkain sa mahigit sa 350,000 pamilyang Pilipino sa panahon ng COVID-19 pandemic lockdowns.
- Latest