16,000 pasahero stranded kay ‘Ursula’
MANILA, Philippines — Umaabot sa 16,000 pasahero ang stranded sa mga pantalan sa buong bansa dahil sa bagyong Ursula.
Ito naman ang iniulat ng Philippine Coast Guard kaya’t hindi na pinayagan ang mga barko na maglayag sa mga lugar kung saan nakataas ang mga storm warning signal mula 1 pataas.
Sinabi ni PCG Spokesperson Capt. Armand Balilo, may inihandang mga pagkain, tubig at matutulugan ang Department of Transportation sa mga stranded na pasahero.
“Ang mahirap dito iyong mga nakabiyahe na, tulad doon sa Matnog [Port], andoon na eh. Hindi naman nila na-anticipate na talagang mabilis iyong bagyo, akala nila makakatawid pa, talagang na-stranded sila,” pahayag ni Balilo.
Nasa pantalan ng Bicol, Central Visayas, Eastern Visayas, Southern Luzon, Northern Mindanao, Western Mindanao at Southern Visayas ang higit-kumulang 16,649 na pasahero simula pa ng alas-4:00 ng madaling araw.
Pinatigil na rin ang operasyon ng 1,896 rolling cargo ships, 96 vessels at 15 motorbanca dahil sa sama ng panahon
- Latest
