Family driver nadulas, nakuryente
MANILA, Philippines — Isang family driver ang nasawi matapos itong makuryente at malunod nang madulas sa hagdan ng tangke ng tubig kahapon ng umaga sa Sta. Cruz, Maynila.
Ang nasawi ay kinilalang si Pablo Bustrillo, ng no. 125 Alley F. Telecom Compound, Sta. Cruz, Maynila.
Sa ulat, bago naganap ang insidente dakong alas-8:00 ng umaga sa basement ng 5-storey residential building sa no. 1711 Alvarez St., Sta. Cruz ay pababa na ang biktima sa bakal na hagdan para linisin ang tangke nang ito ay madulas at dumiretso sa loob mismo ng tangke na may lamang 2 talampakang tubig.
Nakita ng among si Angel Tiu ang insidente at tinanong ang biktima sa loob ng tangke kung kamusta ang lagay ay hindi ito sumasagot kaya’t tinawag ang isa pang empleyado para tulungan ang biktima na maiahon sa loob ng tangke.
Nang aapak ang empleyado sa tubig sa loob ng tangke naramdaman niya na may kuryente ipinapatay ang water pump na kung saan ay nakita ang biktima na hindi na humihinga. - Keanna Tiatco-trainee
- Latest