Pinoy crew pinalaya
Sa barkong hinarang sa Iran
MANILA, Philippines — Iniulat kahapon ng Department of Migrant Workers (DMW) na asahang makakauwi na sa Pilipinas ang isang tripulanteng Pinoy matapos na palayain kasama ang anim pang crew ng container ship na MSC Aries na hinarang ng Iranian authorities, kamakailan.
Nabatid na nitong Biyernes ay pinalaya ang limang Indian nationals, isang Pinoy at isang Estonian mula sa MSC Aries.
Sa isang pahayag, pinasalamatan ni DMW Secretary Hans Leo Cacdac si Department of Foreign Affairs (DFA) Secretary Enrique Manalo at ang mga tauhan nito na hindi tumitigil na magawan ng paraan upang mapalaya maging ang tatlo pang Pinoy na nananatili sa nasabing barko, sa kustodiya pa ng Iranian gov’t.
“The DMW will continue working with the DFA, the ship agent, and licensed manning agency to secure the release of the three Filipino crewmen who remain in the custody of Iranian authorities,” ani Cacdac.
- Latest