Tinedyer binoga sa harap ng mga tropa
MANILA, Philippines – Malapitang binaril ng hindi pa kilalang salarin ang isang 17-anyos na binatilyo habang kausap nito ang mga kaibigan sa gate ng Parola Compound, Binondo, Maynila, kahapon ng madaling araw.
Ang biktima na namatay habang dinadala sa ospital dahil sa tama ng mga bala sa iba’t ibang parte ng katawan ay kinilalang si Mark Joseph Relucio residente ng no. 0571 Area H, Gate 56, Parola Compound, Binondo.
Batay sa ulat, dakong ala-1:20 ng madaling araw sa Gate 56, Parola Compound ay kasama ng biktima ang kaniyang mga kaibigan na nagkakasiyahan bilang pagdiriwang sa bagong taon nang biglang lapitan ng suspek at pagbabarilin sa iba’t ibang bahagi ng katawan.
Kaswal na naglakad sa pagtakas ang suspek habang ang biktima ay isinugod sa Gat Andres Bonifacio Memorial Medical Center na idineklarang dead on arrival.
- Latest