Driver inutas sa loob ng kanyang taxi
MANILA, Philippines – Sa loob mismo ng minamanehong taxi natagpuang patay ang driver na nakaparada harap ng isang bahay kahapon ng umaga sa San Pascual St., Malate, Maynila.
Ang biktima na may tali sa bibig, nakabalot ng packaging tape ang mukha, nakagapos ang mga kamay at paa sa kanyang driver seat ay nakilalang si Arturo Amascual, 67, ng no 1855 Oro-B, Sta. Ana, Manila.
Bago natagpuang patay ang biktima dakong alas-6:30 sa loob mismo ng kanyang ipinapasadang KEN taxi (UYE-361) ay nagtataka ang karelyebo na si Francisco Suzara, 64, na alas-4:00 na ng umaga ay hindi pa bumabalik sa garahe sa Makati City ang biktima.
Nang i-check nila ang GPS device ay natukoy na ang taxi ay nasa kanto ng San Pascual at Pres. Quirino Avenue kaya’t pinuntahan ang lugar at doon nakita ang biktima na wala ng buhay.
Nakita sa closed circuit television camera (CCTV) sa lugar, ang paglabas sa taxi ng tatlong lalaki.
- Latest
