Mag-asawa dedo sa nakamotor
MANILA, Philippines - Kapwa idineklarang dead-on-arrival sa ospital ang isang mag-asawa matapos na sila ay pagbabarilin ng dalawang lalaki na sakay ng motorsiklo kahapon ng umaga sa isang gasolihan sa kanto ng Kawit-Noveleta Diversion Road, Brgy. Tabon 1, Kawit Cavite.
Ang mag-asawang nasawi ay kinilalang sina Juan at Juliet Espinola, kapwa 51-anyos at residente Brgy.Toclong, Kawit Cavite.
Hindi pa kilala ang dalawang lalaki na naka-helmet at sakay ng motorsiklo sa kanilang pagtakas.
Sa ulat, dakong alas-7:40 ng umaga ay hinihintay ng mag-asawa ang kanilang anak na babae sa isang gasolinahan nang biglang dumating ang dalawang lalaki na sakay ng isang itim na Yamaha Mio Amore at pagtapat sa mag-asawa ay walang kaabog-abog na pinagbabaril.
Itinakbo ang mag-asawa ng mga nakasaksi sa pangyayari sa ospital, subalit hindi na ito umabot ng buhay.
Patuloy ang imbestigasyon ng pulisya sa motibo ng pamamaril.
- Latest