Dalaga ni-rape ng nobyo at kaibigan

MANILA, Philippines - Nilasing muna ng isang nobyo ang kanyang 18-anyos na nobya at pagkatapos ay ginahasa niya ito kasama ang kaibigan na naganap kamakalawa sa Brgy. Bahayang Pag-asa, Imus City, Cavite.

Sinampahan ng kasong rape ang mga suspek na sina Jomar Anchorez,  23,  binata, at John Joseph Patunagan, kapwa residente ng #34 Kalaw St., P4A, Pinagbuklod ng lungsod.

Batay sa ulat isinama ni Anchorez ang kanyang nobya na itinago sa pangalang Sophie kasama si Patunagan sa isang kasayahan na kung saan nilasing ng mga ito ang biktima.

Nang malasing ay inumpisahan na ng mga suspek na halayin ang biktima at nang makaraos ay pinauwi na nila ito na agad nagsumbong  naman sa  magulang.