Ex-vice mayor binaril sa ulo

MANILA, Philippines - Isang dating vice mayor ang nasa kritikal na kondisyon matapos  na pagbabarilin ng dalawang lalaki na naka-motor kahapon ng umaga sa Bauan, Batangas.

Ang biktima ay kinilalang si Julio Magboo Cruz na dating bise alkalde sa Bauan, 72 at naninirahan sa Brgy. Baguilawa sa bayang ito.

Sa ulat, dakong alas-8:30 ng gabi ay lulan ang biktima ng kanyang Toyota Revo (WLU-999) ng binabagtas ang kahabaan ng highway ng Brgy. Manghinao  patungong munisipyo nang biglang sumulpot ang mga suspek at  pinagbabaril ng backrider ang biktima.

Nagtamo ng  mga tama ng bala sa likurang bahagi ng kaniyang ulo ang biktima at mabilis na nagsitakas ang mga suspek.