Driver tepok sa pukpok ng baril

MANILA, Philippines -Matapos na hindi pu­mutok ang baril kung ka­ya’t ipinukpok na lang ng suspek sa ulo ang kaaway na tricycle driver na naganap kahapon ng madaling-araw sa Malabon City.

Namatay noon din dahil sa pagkabasag ng bungo ang biktima na kinilalang si Mark Alcantara, 25, nakatira sa Barangay Longos ng lung­sod.

Ang suspek na agad na­huli ay nakilala namang si Jake Emaluga alias Numso, 36, ng Block 9, Hiwas St., ng nasabing ba­rangay.

Batay sa ulat, dakong alas-2:10 ng madaling-araw sa kahabaan ng Parros Alley ay nakatayo ang suspek nang dumating ang biktima  at tinutukan ng baril sa ulo at kinalabit, subalit hindi ito pumutok.

Kung kaya’t ipinukpok na lang nito ang baril sa ulo ng biktima hanggang sa na­basag ang bungo nito na naging dahilan ng agaran nitong kamatayan.

Naaresto ang suspek sa isinagawang  follow-up operation at lumalabas na inonse umano ng biktima ang benta sa droga kung kaya’t pinatay ito.