2 Water firms hindi dapat sisihin sa water rate

MANILA, Philippine s- Hindi dapat anya isisi sa Maynilad at Manila Water ang akusasyon ng over charging sa water rate.

Ito ang sinabi ng corpo­rate lawyer ng dalawang water firms na si Atty. Argee Guevarra at kinuwestyon ang motibo ng grupo na nagsusulong para ipawalang bisa ang kasunduang pinasok ng dalawang pribadong kumpanya at ng gobyerno.

Ayon pa kay Atty. Guevarra na masyado pang maaga para sabihin na isa nang “water scam” ang nasabing  kontro­bersya  dahil sa  hinalang  may ibang grupo ang nagnanais na magpatakbo at kumuha ng natu­rang water concession business at wala din dahilan para ipawalang bisa ang concession agreement matapos ma­pa­unlad ang serbisyo ng tubig  sa bansa.

Hinamon din nito ang mga kritiko ng concession agreement na magpa­kita ng lehitimong interest  ng  Filipino  consumers upang irespeto ang  kasunduang pinasok ng Metropolitan Waterworks  and Sewerage System  (MWSS) at nang kanyang dalawang concessionaires o harapin ang  mga ito sa korte.

Sinabi pa ni Guevarra na sa ilalim ng  kasunduan  ang dalawang water firms ay may legalidad para respe­tuhin ang obligasyon tulad  ng nakasaad  sa MWSS  board.