Misis inaway ng mister nagbigti

MANILA, Philippines  - Posibleng dinamdam ng isang 24-anyos na gi­nang ang naging pag-aaway nilang mag-asawa at sa umano’y sama ng loob ay nagpasya itong magbigti gamit ang lubid ng duyan naganap kama­kalawa ng gabi sa Brgy.Sampaloc 4, Dasmariñas City, Cavite.

Ang nasawi ay kinila­lang si Fritz Aguado, ng Blk. 40, Lot 5, Zone 5, Bautista, Brgy. Sampaloc 4.

Bago ang pagpapakamatay ng biktima dakong alas-9:30 ng gabi ay nagkaroon sila ng mainitang pagtatalo ng mister na si Lau­rence.

Umalis si Laurence upang mahinto ang pagtatalo kaya’t nang bumalik ito ng nasabing oras sa kanilang bahay ay bumulaga sa kanya ang naka­bigting misis.

Nakita rin sa kaliwang kamay ng biktima na may hiwa ang pulso nito na po­sibleng naghiwa muna ang biktima bago nagbigti.