Trike driver itinumba ng tandem

MANILA, Philippines - Binaril habang nag­hi­hintay ng pasahero ang isang 28-anyos na tricycle driver ng dalawang lalaki na nakamotorsiklo kamakala­wa ng hapon sa Brgy. Commonwealth, Quezon City.

Ang biktima na namatay habang nilalapatan ng lunas sa ospital ay kini­lalang si Leonard Rey Gacutan, binata ng no. 79 San Diego St., Brgy. Commonwealth, sa lungsod.

Sa ulat, dakong alas-4:00 ng hapon sa harap ng isang botika sa Villong­co kanto ng Steve St., ay nakatambay ang biktima nang ito ay lapitan ng dalawang suspek na may suot na kulay pulang hel­met sakay ng isang Honda wave motorcycle na walang plaka at pagba­barilin ang biktima.

Patuloy ang imbestigasyon ng otoridad sa motibo ng pamamaslang.