Chinese timbog sa P5-M shabu

MANILA, Philippines -Naaresto ng mga operatiba ng PNP-Anti Illegal Drugs Special Operations Task Force (PNP-AIDSOTF) ang isang Chinese big time drug trafficker na kinilalang si Yu Ming Li, 39 na nasamsaman ng  P5M halaga ng shabu sa isinagawang drug bust operation sa Maynila kamakalawa ng hapon.

Sa ulat bandang alas-2:00 ng hapon nang masakote ng mga operatiba ang suspek  malapit sa bisinidad ng Luneta Park, Maynila.

Naaktuhan ang suspek na nagbebenta ng  shabu sa Maria Orosa sa panulukan ng Kalaw Street sa Maynila na tinangka pang tumakas ng makahalata sa buy bust operations, pero nahabol ng mga otoridad at nakorner sa Roxas Boulevard sa tapat ng Rizal Monument.

Nakuha sa sasakyan na isang kulay asul na Honda Civic (UKO 832) ang 1 kilo ng shabu na nagkakahalaga ng P5M.