Utol ni Scottie pakitang-gilas
MANILA, Philippines — Nagsisimula pa lang ang basketball career ni Justin Thompson.
Subalit nakikita na ang kakayahan nito tulad ng kanyang nakatatandang kapatid na si reigning PBA MVP at Barangay Ginebra ace player Player Scottie Thompson.
Tunay na nasa dugo ng mga Thompsons ang basketball matapos magpasiklab si Justin sa katatapos na 2024 Smart-National Basketball Training Center (NBTC) Division II Finals sa MOA Arena sa Pasay City.
Tinulungan ni Justin ang Top Flight Sports Canada na makuha ang panalo laban sa Eco Green Technology-Makati sa finals ng torneo.
Inamin ni Justin na kumukuha ito ng inspirasyon sa kanyang kuya na si Scottie.
Nakatakdang masilayan sa aksyon si Justin sa darating na NCAA Season 100 kung saan lalaro ito para sa University of Perpetual Help System Dalta — ang parehong team kung saan naglaro si Scottie sa college.
Si Scottie ang team manager ng Altas kaya’t nadadala nito ang kanyang malalim na karanasan sa mga players nito.
“Parati niya lang sinasabi na magtiwala sa sarili, maglaro ng nasa puso,” ani Justin.
- Latest
