POC binisita ang mga training venues para sa 2024 Paris Olympics
MANILA, Philippines — Ngayon pa lamang ay pinaplano na ng Philippine Olympic Committee (POC) ang paghahanda ng mga Pinoy athletes para sa 2024 Olympic Games sa Paris, France.
Binisita ni POC president Rep. Abraham “Bambol” Tolentino kasama ang ilan pang opisyales ang pre-Games training faci-lity para sa mga atleta sa French capital.
Nagsagawa si Tolentino, kasama sina POC deputy secretary general Bones Floro, legal chief Atty. Wharton Chan at manager Carla Maramara, ng inspeksyon sa mga posibleng maging training venues ng weightlifting, boxing at gymnastics.
“The goal is to have our qualified athletes to be in Paris at least one month before the Olympics,” wika ni Tolentino.
Gusto ng POC chief na mauna sila sa pagpapareserba ng mga potensyal na training venues ng nasabing tatlong sports para sa 2024 Paris Olympics.
Ang pag-entra ng mga Pinoy athletes sa weightlifting, boxing at gymnastics events sa Paris Games ang prayoridad ng POC.
- Latest