Southgate at Kane pinarangalan ni Queen Elizabeth II
LONDON — Isinama ang mga pangalan nina England coach Gareth Southgate at kanyang team captain na si Harry Kane sa New Year honors list ni Queen Elizabeth II.
Matapos ang ilang dekada ng kabiguan sa mga major tournaments ay napantayan ng soccer team ng England ang kanilang best overseas World Cup performance ngayong taon.
Ito ay matapos umabante ang tropa nina Southgate at Kane sa semifinals ng World Cup na idinaos sa Russia.
“I hope everybody that has supported me throughout my career feels pride in the fact I’ve received this honor because I wouldn’t be in this position without that help and guidance,” sabi ng 48-anyos na si Southgate, dating kilalang defender ng England squad.
Tinanggap ni Southgate ang OBE — Officer of the Order of the British Empire.
Binigyan naman si Kane ng parangal na MBE — Member of the Order of the British Empire.
Nakamit ng 25-anyos na striker na si Kane ang Golden Boot matapos maging top scorer sa 2018 World Cup.
- Latest