Sports Science Seminar itinakda sa Jan. 12-14

MANILA, Philippines – Magkakaroon ng ma­kabagong kaalaman ang mga coaches sa national pool sa gaga­wing PSC Sports Science Seminar sa Philsports Arena sa Pa­sig City.

Ito ay pagpapatuloy sa isinasagawa ni PSC chairman Ricardo Garcia na seminar mula no­­ong 2013 at dinadalu­han ng mga dayuhang speakers para ibahagi ang kanilang mga nala­laman.

Gagawin ang seminar na Series 6 at 7 sa Enero 12 hanggang 14 at ang mga magsasalita ay sina Terry Rowles at Dr. Scott Lynn.

Ito ang ikalawang pag­kakataon na baba­lik si Rowles para magba­hagi ng kanyang nala­laman dahil noong na­karaang Mayo ng 2014 ay nakasama siya ni Ali Gilbert sa nasabing prog­rama.

Unang pagkakataon na bibisita naman si Lynn na isang BSc/BPHE,MSc at PhD (Bio­mechanics) degrees sa Queen’s University sa Kingston, Ontario,  Ca­­nada  at sumailalim pa sa post-doctoral fel­low­ship sa University of Waterloo sa Waterloo, Ontario, Canada.

“Hindi lamang ito bu­kas para sa mga na­tio­­nal coaches kundi sa la­hat ng coaches na na­is na matuto ng maka­bagong pamamaraan sa sports science na maha­lagang aspeto kung nais ng isang atleta na manalo sa mga sasalihang kom­petisyon,” wika ni Gar­cia.

Naniniwala rin ang PSC chairman na tama ang petsa ng seminar da­hil magsisimula pa la­mang ng pagbabalik-ensayo ang mga atleta matapos iselebra ang Kapaskuhan at Bagong Taon.

Tampok na torneo na sasalihan ng mga pambansang atleta sa taong ito ay ang Southeast Asian Games sa Singapore sa Hunyo.