Pera lang daw ang habol ni Pacquiao kay Mayweather

MANILA, Philippines - Pera lang daw ang habol ni Manny Pacquiao kaya gusto nitong labanan ngayon si Floyd Mayweather, Jr.

Sa panayam ng On The Ropes Boxing Radio Program, sinabi ni Floyd Mayweather, Sr., ang father/trainer ng American world five-division titlist, na kasalukuyang may problema si Pacquiao sa usapin sa buwis at ang laban kay Mayweather ang solusyon sa kanyang suliranin.

“Let me say this right here; Pacquiao runs his damn mouth all the time, talking [expletive] — at least Freddie Roach do. Freddie ‘The Joke Coach’ Roach, he runs his mouth. I don’t think it’s Pacquiao that much. Pacquiao, I know he really don’t want to fight,” wika ni Floyd, Sr.

Kamakailan ay sinabi ni Floyd, Sr. na maaaring maitakda ang mega showdown nina Mayweather at Pacquiao nang hindi inaasahan ng lahat.

Maraming boxing observers ang naniniwala na si Pacquiao ang tinutukoy ni Mayweather na kanyang sasagupain sa susunod na taon na inaasahang magi-ging pinakamalaking laban sa boxing history.

Sinabi naman ni Pacquiao na payag siyang laba-nan si Mayweather.

Nakatakdang harapin ni Pacquiao si Chris Algieri sa Nobyembre 22 sa Macau, China.

Ayon kay Floyd Sr., pera na lamang ang habol ni Pacquiao sa paghahabol kay Mayweather dahil sa problema nito sa buwis.

“He’ll [Pacquiao] say he wants to fight and this and that but he don’t wanna fight. Pacquiao fights now because he needs money,” wika ni Floyd, Sr.