Stephenson pinagmulta dahil sa flopping

NEW YORK – Pinagmulta ng NBA si  Lance Stephenson ng Indiana ng $5,000 dahil sa flopping sa Game 2 ng Eastern Conference finals.

Hinahabol ni Stephenson si  LeBron James ng Miami habang nagdi-dribble ito papunta sa kanilang court sa third quarter ng laro nitong Martes. Bumangga ng bahagya si Stephenson kay James at bumagsak sa court na tila parang malakas ang kanilang salpukan.

Pinagmulta rin si  Stephenson noong nakaraang taon sa series kontra sa Heat, sa unang taon na si-nimulan ng NBA ang pagmumulta sa mga player na umaarte sa light contact para makakuha ng foul.