Pacquiao ‘di kasama sa option ni Mayweather

MANILA, Philippines - Inaasahang sasalang uli si Floyd Mayweather sa ring sa Sept. 13 kontra sa hindi pa natutukoy na kalaban ngunit huwag nating asahan na kasama si Manny Pacquiao sa listahan ng kanyang pagpipiliang makakaharap.

Kinumpirma ng adviser ni  Mayweather na si Leonard Ellerbe ang araw ng kanyang pagbabalik sa ring matapos talunin si Marcos Maidana para i-unify ang WBC at WBA welterweight titles.

Nagsabi siya ng ilang pangalan na posibleng  susunod na kalaban ni Mayweather ngunit hindi pa rin kasama sa listahan si Pacquiao bagama’t siya ang may hawak ng WBO championship ng parehong division.

“Floyd will go on Sept. 13 and we looking at who he’s going to fight and where he is going to fight,” sabi ni Ellerbe sa ESPN.com sa ulat ni Dan Rafael.  “We’re looking at opponents now. In the next two weeks we’ll have that part figured out.”

Pinangungunahan ni Maidana, pinahirapan si Mayweather sa kanilang laban noong May 3, ang mga kandidato para sa undefeated American fighter.

Nais ng Argentine slugger ng rematch laban kay Mayweather, bagay na ikokonsidera ng huli.

“He’s (Maidana) definitely in the mix. He’s a very dirty fighter. He used a lot of dirty tactics, but Floyd handled him ea-sily and he gave the fans a great fight. But there’s a long list of opponents,” sabi ni Ellerbe.

Isa rin si British Amir Khanna na kinokonsidera gayundin sina  Danny Garcia, Shawn Porter at Keith Thurman na lahat ay nasa ilalim ng Golden Boy Promotions na kari-bal ng Top Rank Inc.,  ni Pacquiao na inaaniban ni Pacquiao.

Tinalo  ni Pacquiao, mas gusto ng marami na susunod na kalaban ni Mayweather, kamakailan si Timothy Bradley. Ngunit tila papunta rin sa ibang direksiyon ang  fighting congressman  dahil posibleng piliin niya ang ikalimang paghaharap nila ni  Juan Manuel Marquez na kakapanalo lang kontra kay Mike Alvarado.