Pacquiao mas kinampihan ni Marquez laban kay Bradley

MANILA, Philippines - Mas kinampihan ni Juan Manuel Marquez si Man­ny Pacquiao para sa re­match ng Filipino world eight-division champion kay world welterweight tit­list Timothy Bradley, Jr.

Sinabi ng 40-anyos na si Marquez (55-7-1, 40 KOs) na kung muling mai­papakita ng 35-anyos si Pacquiao (55-5-2, 38 KOs) ang kanyang porma ay tatalunin niya ang 30-anyos na si Bradley (31-0-0, 12 KOs) sa Abril 12 sa MGM Grand sa Las Ve­gas, Nevada.

Tinalo ni Bradley si Pac­quiao mula sa isang kon­trobersyal na split de­ci­sion para agawin kay ‘Pac­man’ ang suot nitong World Boxing Organization (WBO) welterweight crown noong Hunyo 9, 2012.

“In that fight the decision was different from what happened in the ring, and I think Bradley should change his strategy because it did not work (from the first fight),” ani Marquez.

“Pacquiao could fight the same, but it is Bradley who needs to make the adjustments,” wika pa nito.

Isa si Marquez sa mga ikinunsiderang la­laba­nan ni Pacquuao bu­kod pa kay WBO light welterweight king Ruslan Provodnikov (23-2-0, 16 KOs).

Kumpiyansa si Marquez na kayang resbakan ni Pacquiao si Bradley sa kanilang rematch.

“If judges do what needs to be done, Pacquiao should win,” sabi ni Marquez.  “If Bradley makes the adjustments, it’s going to be a very good fight.”

Binigo ni Bradley si Mar­quez para sa kanyang ikalawang sunod na pag­dedepensa sa WBO wel­terweight belt noong Ok­tubre.

Bago ito, matagumpay na naidepensa ni Bradey ang kanyang korona la­ban kay Provodnikov no­ong Mar­so.

Makaraan ang pagka­talo kay Bradley ay pina­tulog naman si Pacquiao ni Marquez sa sixth round sa kanilang ikaapat na banggaan noong Disyembre 8, 2012.

Sa kanyang pagbaba­lik sa aksyon noong Nob­yembre 24 ay dinomina ni Pacquiao si Brandon ‘Bam Bam’ Rios sa ka­nilang non-title, welterweight fight sa Macau, Chi­­na.