Power Pinays umiskor sa Asian Women’s Volleyball

NAKHON RATCHASIMA, Thailand – Tinalo ng Philippine Team ang Sri Lan­ka, 19-25, 25-18, 19-25, 25-23, 15-11, para sa ka­nilang unang panalo sa 17th Asian Women’s Vol­­ley­ball Championship sa MCC Hall noong Lu­nes ng gabi.

Ito ang unang panalo ng bansa sa naturang bien­nial meet matapos ang wa­long taon.

Ang tagumpay ang nag­bigay sa 16th-ranked na Power Pinays ng pag­ka­kataong lumaban para sa ika-9 hanggang ika-12 pu­westo sa classification phase kung mananalo sila sa Myanmar.

Naiwanan ng isang set ng 13th ranked na Sri Lan­ka, winalis ng Power Pi­nays ang huling dalawang sets para kunin ang panalo.

Pinamunuan ni vete­ran Aiza Maizo-Pontillas ang pagbangon ng kopo­nan sa deciding set kung saan sila bumawi mula sa 9-11 paghahabol para umiskor ng anim na puntos.

Tumapos ang UST alum­nus na may team--high na 22 points.