Dioscora (90)
Nagulat si JC nang maupo sa silya na malapit sa kanya ang classmate na si Angel.
“Ang aga mo JC!’’ bati ni Angel.
“Oo nga. Wala kasing trapik,’’ sagot ni JC na halatang nahihiya dahil ngayon lang sila nagkausap ni Angel. Nagkakatinginan lang sila pero hindi nagbabatian.
“Mula noong Lunes lagi ka nang maaga,’’ sabi pa ni Angel na nakangiti.
Nagulat si JC dahil inoobserbahan pala siya ni Angel. Maganda si Angel. Desente at mukhang mabait.
“Inaagahan ko na ang pasok dahil terror ang prof natin.’’
“Sino?’’
“’Yung prof sa first subject natin.’’
“Ah si Sir Luke?’’
“Oo.’’
“Terror talaga ‘yun. Marami palang ibinagsak ‘yun last sem. Halos kalahati ng klase.’’
“Talaga?’’
“Kaya nga nag-aaral ako nang todo sa subject niya.’’
“Ako rin Angel. Gusto ko maka-graduate na next year.’’
“Parehas tayo. Target ko, next year din.’’
“Late na nga ako ng isang taon dahil working student ako.’’
“Ah. Saan ka nagwo-work, JC?’’
“Sa aircon shop.’’
“Kaya siguro nali-late ka sa pagpasok dahil galing ka sa work.’’
“Oo Angel.’’
“Anong work mo?’’
“Car aircon technician.’’
“A e di ang galing mo.’’
“Hindi naman.’’
Maya-maya nagdatingan na ang mga classmate nila. Maya-maya pa dumating na ang prof na terror.
Natahimik na ang buong klase.
Nagkatinginan sina JC at Angel.
(Itutuloy)
- Latest
