Alupihan (123)
“PATAYIN mo Hani! Patayin mo! Gumapang sa unan!’’ nagtatarang na sabi ni Gretchen nang makabangon.
Nataranta si Hani. Hindi malaman ang gagawin.
Dinampot ang unan at ibinagsak sa kama.
Lumabas ang alupihan at gumapang sa kama.
“Patayin mo Hani!’’
Pero takot din si Hani kaya hindi makakilos.
Nagtatakbo na palabas si Gretchen.
“Diyan ka na Hani, nangingilabot ako sa alupihan. Ayokong makakakita niyan. Patayin mo ‘yan. Nagkakasakit ako kapag nakakakita niyan!’’ sabi nitong nanginginig ang boses at mabilis na lumabas ng kuwarto.
Si Hani ay pinanonood lang ang paggapang ng alupihan. Para siyang ipinako sa pagkakatayo.
Nakita niyang gumapang ang alupihan at bumaba ng kama. Gumapang sa sahig at pumasok sa isang maliit na butas sa may konkretong haligi. Nagkasya ang alupihan sa maliit na butas.
Nawala na ang alupihan.
Saka lamang nagbalik sa wisyo si Hani.
Napaupo siya sa kama. Tila pagod na pagod siya sa nangyaring biglang paglitaw ng alupihan.
Nag-isip siya nang malalim at binalikan ang mga nangyari kanina.
Nang sumulpot ang alupihan, kasalukuyang ibinababa ni Gretchen ang siper ng kanyang shorts. Ayaw niya pero mapilit si Gretchen. May titingnan lang daw.
Kung hindi lumitaw ang alupihan ay baka naibaba na ni Gretchen ang kanyang shorts, at nasilayan nito ang nasa loob ng kanyang saplot.
Hindi niya alam kung ano ang susunod na gagawin ni Gretchen.
Pero sabi ni Gretchen, titingnan lang daw.
Ikukumpara kaya ‘yung kanya?
Duda siya kung ganun nga ang gagawin ni Gretchen.
Ganunman, nagpapasalamat siya sa paglitaw ng alupihan dahil hindi natuloy ang anumang balak ni Gretchen.
Saan naman kaya nanggaling ang alupihan?
Sasabihin niya ang nangyari kay Kuya Cris. Pati na rin ang natuklasan niyang balak ni Diana.
Bukas, pupuntahan niya si Kuya Cris.
(Itutuloy)
- Latest
