Alupihan (119)
NAGPASYA si Hani. Tinabihan niya sa pagkakahiga si Hani. Unang pagkakataon na mayroon siyang nakatabi sa paghiga na ibang tao. Gagawin niya ito para matulungan si Kuya Cris na malaman ang katotohanan at mapigilan ang binabalak ni Diana.
Pagkalapat ng likod niya ay agad siyang siniksik ni Gretchen.
‘‘Ang bango mo Hani,’’ sabi ni Gretchen. “Anong perfume mo?’’
“Wala!’’
“Owww?’’
“Wala nga. Bagong paligo kasi ako nang dumating ka. Naliligo talaga ako bago matulog. Masarap matulog kapag bagong paligo.’’
“Sabagay ako rin, naliligo sa gabi.’’
‘‘Sabong pampaligo ang nasasamyo mo Gretch.’’
“A baka nga. Ang bango kasi,” sabi ni Gretchen at tinapik-tapik ang hita ni Hani. ‘‘Kapag nagsa-sho-wer ka Hani, hubo’t hubad ka ba?’’
“Oo naman. Alangan namang may saplot pa.’’
“Talaga? Kahit panty wala?’’
“Oo.’’
“Ang sarap mo sigurong kasabay sa pagsa-shower.’’
‘‘Naku ha?’’
“Minsan, sabay tayong mag-shower, Hani.’’
“Oo. Kailan?’’
“Basta sa mga susunod na araw.’’
“Baka may makakita sa atin e maeskandalo tayo.’’
“Hindi. Kami nga ni Diana madalas magsabay mag-shower.’’
“Hubo’t hubad kayo pareho?’’
“Siyempre naman.’’
“Paano kung mahuli tayo ni Diana? Baka ako naman ang awayin nun.’’
“Hindi! Kapag ginawa niya yun, hindi ko siya tutulungan sa plano niya kay Kuya.’’
“Baka magtaka si Diana kapag nakita na lagi tayong magkasama.’’
“Hayaan mo siya. E sa gusto ko namang makatikim ng sariwa – yung birhen.’’
Napangiti si Hani. Talagang gusto ni Gretchen ay birhen na tulad niya. ‘Yung wala pang karanasan.
Maya-maya, ipinatong ni Gretchen ang hintuturo sa labi ni Hani. Nilaru-laro ang labi nito.
‘‘Wala pa ba talagang nakakahalik sa iyo, Hani.’’
“Wala pa. Ikaw pa lang ang una kung sakali, Gretch.’’ (Itutuloy)
- Latest