SB19 andam makig-collab sa BINI
CEBU, Philippines — Bukas ang P-pop group nga SB19 nga makig-kolaborasyon sila sa grupong BINI ug ikalipay gyud nila kun mahitabo kini.
" We’re open for everything. I think 'pag pinag-sama 'yung musicality ng dalawang grupo, there will be something bago sa pandinig at pananaw ng mga tao. Wala pong imposible sa lahat... Let’s make it happen,” suma pa sa usa sa mga miyembro sa SB19 nga si Felip sa interview niini sa ABS-CBN News.
Gikahinaman usab nila ang nagkasaka nga presenya sa nagkadaiyang Pinoy pop groups sa international stage.
"Honestly, excited po ako sa future ng P-pop. Sabi nga nila 'strength in numbers,' so sana maging mainstream na siya at mas suportahan pa siya kasi nakikita na talaga 'yung attention. Nakukuha na talaga 'yung attention ng ibang bansa pagdating sa P-pop. Kaunting support pa , I think we could reach greater heights,” saysay sa laing miyembro nga si Pablo .
Pia ug Jeremy gipahilak ni Andrea Bocelli
Wala makapugong sa pagtulo sa ilang luha ang magtiayong Pia Wurtzbach ug Jeremy Jauncey samtang nagtan-aw sa performance sa singer nga si Andrea Bocelli .
Ang singer maoy special guest sa gitambongan nga event sa magtiayon alang sa usa ka luxury brand didto sa Italy.
Emosyonal kaayo sila si Pia ug Jeremy ilabi na nga nakakita na gyud sila sa personal sa ilang idolo ingon man usab ang pagpamati sa nindot nga tingog niini.
Dingdong- Charo movie gisugdan na
Gisugdan na sa niaging adlaw ang shooting sa pelikula nga gibidahan nila ni Charo Santos-Concio ug Dingdong Dantes . Suma pa ni Charo nga nadayon na gyud ang proyekto nga gisugyot pipila ka tuig na ang nilabay.
"It is a friendship story that evolves into a special relationship. Who knows where it will go," saysay pa ni Charo ngadto sa ABS-CBN News.
Sa nangaging intervie, una na nga gibutyag ni Dingdong nga "Love After Love " ang titulo sa maong movie project nga ubos sa direksyon ni Irene Villamor.
Julie Anne nag-sorry kang Regine
Nangayo og pasaylo si Julie Anne San Jose ngadto kang Asia's Songbird Regine Velasquez gumikan sa kalit niya nga pag-atras isip guest sa “Regine Rocks” concert sa niaging gabii didto sa Mall of Asia (MOA) Arena. Suma pa ni Julie Anne nga dunay emerhensya sa iyang panglawas nga kinahanglan niya nga atimanon."Congratulations, ate Regine Velasquez-Alcasid for a very successful concert! Your talent is truly undeniable, and I feel fortunate to have witnessed it throughout my journey as a singer. You are my inspiration,” Facbook post ni Julie Anne.
Minor injury
Nakabaton og minor injury sa iyang tiil si JK Labajo human siya nadagma atol sa iyang gig sa Orani, Bataan sa niaging gabii. Gikatahong nag-enjoy og maayo ang singer atol sa iyang pagkanta gumikan kay nisabay gyud kaniya ang crowd. "Isa sa mga pinaka energetic at pinakamagandang crowd na nakasama namin this year! Orani, talagang nahulog ako sa inyo! Sobrang saya! Hanggang sa muli! ,”social media post sa singer.
Mag-una ang kasal
Gusto ni Enzo Pineda nga pakaslan niya daan ang iyang uyab nga si Michelle Vito , sa dili pa nila sugdan ang pagbaton og anak. Malipayon si Enzo gumikan kay nagkalig-on og maayo ang ilang upat ka tuig nga relasyon ni Michelle.
"Voltes V: Legacy" i-ere og balik
Gipaabot nga magmaya ang mga nagsunod kaniadto sa action fantasy series nga "Voltes V: Legacy" gumikan kay i-replay kini sa GMA-7 pinaagi sa afternoon prime sugod karong Mayo 6 .
Ang "Voltes V: Legacy" kay gibidahan nila ni Miguel Tanfelix, Ysabel Ortega, Radson Flores, Raphael Landicho, ug Matt Lozano .
Kahinumdoman nga gi-produce sa GMA Network inubanan sa pakig-alayon sa Toei Company, Ltd. ug Telesuccess Productions Inc. ang maong live-action adaptation.
Jake mibiya na sa ilimnong makahubog
Tulo ka tuig na diay nga niundang sa pag-inom og bisan unsa nga ilimnong makahubog ang aktor nga si Jake Cuenca .
Usa kini sa mga labing lisod nga butang nga iyang gibuhat apan iya gyud nga gibarogan ang maong desisyon.
Kahinumdoman nga natagam ang aktor sa dihang nalambigt siya og ginukdanay sa police car niadtong 2021 gumikan sa iyang kahubog.
- Latest