Lahi ang tumong
CEBU, Philippines — Nitikang si Mariel Rodriguez sa Singapore alang sa iyang medical check-up ug kauban niya ang iyang bana nga si Senador Robin Padilla. Gidid-an siya ni Robin nga mag-shopping gumikan kay lahi ang ilang tumong sa paglarga nila sa maong nasud.“Ito yung trip na bawal daw akong mag-shopping. Talagang bawal na bawal. Pinagbawalan niya ako nang matindi kasi mahal na raw yung medical check-up, hindi na raw pwede. Wala nang lusutan talaga,” saysay pa ni Mariel.
Angayan mag-Marimar
Kun pananglitan himoan og laing remake ang "Marimar”, angayan matud pa modala sa maong karakter mao ang aktres nga si Kathryn Bernardo. Mao kini ang nabatyagan sa iyang fans human nikatap ang beach photos niini alang sa cover sa usa ka magazine.
Iñigo gikagobtan didto sa Florida
Usa si Iñigo Pascual sa mga dinapit sa usa ka event sa mga Pinoy didto sa Tampa, Florida, USA.
Nakadawat og kusog nga pag-abiba si Iñigo sa dihang gikanta niya ang “Killing Me Softly”.
Malipayon kaayo siya sa paghangop sa mga Pinoy sa iyang presensya.
“It’s good to see some familiar faces and some new faces as well. Ang daming mga Pinoy at Pinay. I can also see some non-Filipinos here which is very nice," matud pa niya. - SJA
Francine morampa sa ASEA sa Japan
Motambong ang Kapamilya actress nga si Francine Diaz sa labing una nga Asia Star Entertainer Awards (ASEA) nga mahitabo karong hapon sa Yokohama Arena sa Japan.
Ang ASEA kay usa kalihokan kun diin ang Top Artists gikan sa Asya kay magkatapok pinaagi sa musika. Sa niaging buwan, gi-release sa aktres ang single niya nga "My Love" kun diin ka-duet niya ang Korean star nga si Seo In-guk.
- Latest