KDLex, legit na ang relasyon!
May bulung-bulungan na opisyal nang magkasintahan sina Alexa Ilacad at KD Estrada. Pumatok nang husto sa mga tagahanga ang tambalan ng dalawa na mas kilala sa tawag ni KDLex. Para kay KD ay talagang todo ang suportang ibinibigay nila sa isa’t isa ng dalaga. “Kasi it’s so nice to have such a great partner, such a great woman supporting me. I support her, she supports me. It works two ways. Dapat gano’n naman talaga when it comes to partnership. And she’s a great companion to have in work and outside of work. We help each other din sa work especially sa music,” paglalahad ni KD.
Ayon naman kay Alexa ay mayroon din silang mga bagay na hindi pinagkakasunduan ng aktor. “Of course, there are times and then I have to remind myself na, ‘You’re different people.’ He doesn’t act the way you do. He doesn’t think exactly the way you do. So, you have to keep in mind that you’re different people who have to compromise na lang to each other. Meet in the middle. I don’t want naman to tell him, ‘Oh, you have to change this for me.’ There’s always middle ground naman, you can meet in the middle,” pagbabahagi ni Alexa.
Samantala, magbibida ang tambalang KDLex sa Walang Aray na mapapanood sa PETA Theater simula Feb. 17 hanggang May 14. Gagampanan ni KD ang karakter ni Tenyong at si Alexa naman ay ang karakter ni Julia ang gagampanan.
Para sa dalawa ay kakaibang karanasan ang makapagtanghal sa entablado. “Actually, sabi lang ni direk Lauren (Dyogi), they have something for us. A project he thinks we will like. And when we got it, it’s a play. They asked us to sing a bit of the songs and then we were approved,” kwento ni KD.
“Prior to that they already had us in mind. So kumbaga they presented the play to us. They were already asking if we would like to be onboard because they needed a musical pair like us. When it was presented to us, of course we were excited. Who wouldn’t be? Especially dahil nakanood po kami ng mga play in New York. So we were inspired. But also very scared. Ibang mundo ang teatro kaysa sa nakasanayan namin na taping, guestings. It’s totally different. So bagong adjustment, bagong pag-aaral, etc. After quite some time thinking, we said yes and no turning back. But it’s been a great decision. We’re enjoying every day that we got to learn and experience it,” nakangiting pahayag ni Alexa.
Bela, takot sa multo
Napapanood na sa mga sinehan ngayon ang pelikulang Spellbound na pinagbibidahan nina Bela Padilla at Marco Gumabao. Masayang-masaya ang aktres dahil nagbunga na rin daw sa wakas ang lahat ng kanilang mga pinaghirapan sa loob ng tatlong taon para sa naturang proyekto. “This movie took so long to shoot. We started shooting this on Jan. 20, 2020. And first shooting day namin, sumabog ang Taal and then nag-declare ng first day ng lockdown because of covid-19. Natigil ang shoot namin at hindi na kami nagkita. I went to London in July 2021 and we were able to resume the shooting only last year. Finally, we’re glad natapos na rin siya at ipinalabas na,” pagdedetalye ni Bela.
Ang Spellbound ay ang Pinoy adaptation ng Korean film na ipinalabas noong 2011 na may parehong titulo. Ayon kay Bela ay malaki ang pagkakahawig sa tunay na buhay ng kanyang karakter bilang si Yuri sa naturang romantic-horror film. “Pareho kaming duwag ni Yuri. I’m really afraid of ghosts. So I avoid doing horror films. But this one, I like the material. Pero sa shoot tinatanong ko na agad kung nasaan ‘yung mga gumaganap na multo para hindi na ako nagugulat,” nakangiting pagbabahagi ng dalaga.
(Reports from JCC)
- Latest
