Klea nababaitan kay Barbie

Kasama sa mga plano ng Kapuso star na si Klea Pineda ang maging beauty queen.

Next year kaya, handa na siya?

“Gusto ko po kasi, once na sumali ako, 100% ready na ako at naka-package na ‘ko for that. And ngayon, siguro ‘yung opportunities na naibibigay sa akin, du’n muna ako kuma-kapit, ‘yun muna ‘yung mga tinataggap ko dahil ayokong mawala ‘yung opportunity na ­ibinibigay sa akin ng GMA, lalo na ‘yung mga shows.

“And I’m sure naman, sa future, sa mga susunod na taon, susuportahan din ako ng GMA sa pagsali ko sa pageant,” banggit ni Klea sa ginanap na sa media conference pagkatapos ng renewal ng contract niya sa GMA Artist Center.

Miss Universe-Philippines ang target salihan ng Kapuso star tulad ni Kisses Delavin. “Eversince na tinatanong ako, Miss Universe po talaga.”

Samantala, mapapanood na uli si Klea sa seryeng Never Say Goodbye. Ang this time si Jak Roberto ang ka-partner niya.

Recently lang ay nag-trending nga ang photo nila ni Jack na magkaangkas sa motor kaya natanong siya kung di ba siya afraid na magselos si Barbie Forteza?  Nababaitan siya kay Barbie at alam naman daw niyang naiintindihan ito ng girlfriend ni Jak.