Surprise birthday party

CEBU, Philippines — Nidalit  surprise birthday si Andrea Torres ngadto sa iyang boyfriend nga si Derek Ramsay atol sa adlaw'ng natawhan sa aktor niadtong Biyernes. Nag-uban para sa usa ka intimate birthday dinner ang pamilya ug mga higala ni Derek. Sigon pa ni Andrea, "constant goal" niya nga palipayon ang boyfriend nga si Derek.

Engaged na!

Engaged na ang duha ka GMA-7 reporters nga silang Cedric Castillo ug Rida Reyes. Nahitabo ang proposal atol sa Christmas party sa mga kauban nilang Kapuso news reporters niadtong Biyernes sa gabii didto sa usa ka restaurant sa Quezon City. Giusab na sa duha ang  relationship status sa tagsa-tagsa nila ka mga Facebook account .

Kinahanglan og effort

Gipaambit sa Kapamilya host Bianca Gonzalez nga nanginahanglan matod pa og effort sa manag-asawa aron magmalamposon ang ilang relasyon. Gipaambit niya kini atol sa renewal of vows nila ni JC Intal  sa niaging semana."Marriage requires effort, and it is an unending series of mistakes and learnings,"tambag pa niini.

Humble nga aktor

Midayeg ang direktor sa Pinoy remake sa Miracle in Cell No. 7 nga si Nuel Naval ngadto ni Aga Muhlach tungod sa pagkamapaubsanon ug pagka-propesyonal niini nga aktor. Si Aga ang lead actor sa  maong upcoming Metro Manila Film Festival entry."As an actor, he’s very giving. Lagi niyang sinasabi sa mga co-actors, ’Hindi ako ang bida dito. Tayong lahat ito,’"paambit pa ni direk.

Mihimakak

Hugtanong gihimakak sa igsoun ni Maine Mendoza nga si Coleen  nga duna siya’y gipadungog-dungog sa iyang mensahe sa Instagram. Pipila ka netizens ang nihulagway nga sila  Maine ug ang uyab niini nga si  Arjo Atyden ang gipadungog-dungog  ni Coleen.

Dili komportable

Giangkon sa aktor nga si Romnick Sarmenta nga kung mahimo, molikay siya sa pakig-istorya sa kanhi kauban niya sa showbiz nga nahimo na nga politiko karon. Usa sa suod niyang higala nga politiko na karon mao si Manila Mayor Isko Moreno. “Kahit sino naman sa kanila na nag-politics hindi ako masyadong nangungumusta. Naiilang ako minsan. Parang feeling ko lang, baka isipin may kailangan ako,"asoy pa niini.

Hugyaw ka Dimples!

Nagkahinabi silang Dimples Romana ug Thai actor nga si Jirayu Tangsrisuk atol sa gitambungan nilang Asian Academy Creative Awards panel discussion didto sa Singapore. Gawas sa panel discussion, nilarga sab si Dimples didto sa Singapore para dawaton ang  Regional Best Supporting Actress Award niini gikan sa Asian Academy Creative Awards alang sa  iyang hugyaw nga performance sa seryeng Kadenang Ginto sa ABS-CBN.

Mokanta pud diay

Adunay tinagoang talento ang aktres nga si Roxanne Barcelo . Giingong aduna pud siya’y nagpahipi nga talento sa pagkanta ug plano niya nga mag-produce og kaugalingong kanta.

Nagpasalamat sa asawa

Mihatag og matam-is nga mensahe ang Kapamilya host Vhong Navarro ngadto sa bag-ong gipakaslan nga asawa niini nga si Tanya Bautista. Bag-o lang naabot sa Pilipinas ang duha human sa ilang kasal didto sa Japan niadtong Nobyembre 28."Mahal, salamat. Tanya, maraming salamat sa pagtanggap at pag-stay sa akin sa maraming pinagdaanan natin sa buhay,” tipik pa sa mensahe ni Vhong.