Nakadayeg kang Ylona

CEBU, Philippines – Inspirado gyud ang RnB singer nga si Jay R ngadto kang Ylona Garcia. Ang duha nagkolaborasyon sa ilang bag-ong gipagawas nga single nga nag-ulohan og “Maybe A Little Bit”. “She’s such an amazing writer. Nakaka-inspire si Ylona. Honestly it feels weird learning from a 17-year-old girl kasi 38 na ako. I mean, music it’s universal and she’s a musician. I can say na ang dami kong natutunan sa batang ito”, suma pa ni Jay-R.

Nangasaag

Wala gyud makalimot si  Erwan Heussaff sa  panghitabo nilang duha sa iyang asawa nga si Anne Curtis sa dihang nagbakasyon sila sa California. Gibisita nila ang Yosemite National Park kun diin sikat niini ang kakahuyan. Matud pa ni Anne nga maglakaw-lakaw lang silang duha ni Erwan apan wala na sila makatultol sa ilang agi pabalik sa ilang sakyanan. Taud-taud sab daw nila gipangita ang ilang sakyanan apan gikaluy-an pa gyud sila nga makaluwas sa maong pagkasaag.

Gipugngan mag-artista

Gibutyag ni Julia Barretto nga gipugngan siya  kaniadto  sa iyang pamilya  nga sudlon ang kalibutan sa showbiz. “Naging mahabang discussion kasi nauna na sila sa industriya, so alam na nila ang galawan sa industriya, At some point parang pinipigilan pa nila ako (noon) na ‘huwag, ganyan’ kasi alam nila. Pero nakita nila na it’s really I want to do, so ibinigay naman nila sa akin,” suma pa ni Julia.

Mga grasya

Daghang grasya  ang miabot karon sa kinabuhi sa PBB 737 Big Winner nga si Miho Nishida. Sa Instagram post, gipakita ni Miho ang hulagway  kun diin nakaposing silang duha sa iyang anak nga si Aimi atubangan sa ilang bag-ong balay. Gawas sa ilang bag-ong balay, daghan sab ang mihangop ni Miho isip usa ka bag-ong turok nga vlogger.

Mag-push up bra

Namatikdan sa kadaghanan ang  pagkunhod sa timbang ni Megastar Sharon Cuneta. Malipayon si Sharon nga dali nga miresulta ang iyang gitarget nga 7lbs nga  kinahanglan nga ipakuha sa iyang timbang. Apan adunay usa ka netizen ang nakabantay ug miingon nga kinahanglan siya nga mosul-ob og push up bra gumikan kay luyat ang iyang suso. Gitubag kini ni Sharon og “Not bad. Considering I wasn’t wearing bra here”.

Mahiligon sa lumba

Luag karon ang schedule ni Dominic Roque. Matud pa niya nga aduna lamang siya’y gilakipan nga pelikula nga mapagawas karong Hunyo. Dugang pa niya nga mas busy siya karon sa pag-drive og Formula V1 nga gamiton sa mga lumba. Taud-taud na kini nga gibuhat ni Dominic ug mao kini ang iyang kalingawan samtang wala siya’y dagko nga mga proyekto.

Naningkamot og iyaha

Gisaysay ni Grae Fernandez nga gipasabot siya sa iyang amahan nga si Mark Anthony Fernandez kun nganong dili siya hatagan og acting tips niini. “Well actually ‘nung sinabi niya sa’kin, parang ayaw niya ako turuan ng ganun kasi baka magaya ko. Sabihin ng tao ginagaya ko siya. ‘Yung mga ginagawa ko sa pag-arte gagayahin ko siya”, suma pa ni Grae.

Nangumbira daan

Gitug-an sa Viva artist nga si Anna Luna kinsa nahimong kabahin sa “Changing Partners” ug lead star sa pelikula nga “Tayo sa Huling Buwan Ng Taon” nga usa siya sa mipaubos og audition alang sa role nga Darna. Matud pa niya nga nahimuot siya nga maghinumdom sa mga panghitabo gumikan kay dili gyud andam ang iyang sexy body gumikan kay gikan siya nga nangumbira.

Gimingaw sa mama

Gipakita ni Toni Gonzaga ang usa ka video sa iyang anak nga si Seve nga nitodo  og hilak tungod kay gimingaw na kini sa inahan. Matud pa ni Toni nga na-busy siya sa iyang trabaho sa showbiz busa wala  siya kahatag og dakong oras sa iyang anak.

Rica mabdos

Gipakita ni Rica Peralejo ang sonogram sa iyang ikaduhang anak. Matud pa ni Rica nga 33 ka semana na siya nga nagsabak.