Transgender kumpirmadong pasok sa Miss U

CEBU, Philippines – Kumpirmado na ang pagka-opisyal nga kandidata sa  Spain sa transwoman nga si Angela Ponce sa Miss Universe 2018.

Sa gipagawas nga  video sa  Miss Universe Organization (MUO) niadtong  Miyerkules, gipakita ang mga beauty queen  sa nagkalain-laing  nasud nga  mga kandidata sa Miss Universe 2018.

Makita nga ika-38 si Angela sa video sa 75 ka mga kandidata nga gipakita.

Mahitabo ang  67th edition sa Miss Universe sa  Bangkok, Thailand karong  December 17, 2018.

Una na nga gibutyag ni  Miss Universe 2015 Pia Wurtzbach  kaniadto  nga dili kinahanglan nga  natural-born woman ang usa ka  kandidata aron makasalmot sa  Miss Universe pageant.

“It is allowed in Miss Universe. You can compete, you can win,” suma pa ni Pia.

Nikulit og kasaysayan si Angela gumikan kay siya ang labing una nga  trans woman nga kandidata sa Miss Universe.

Samtang  subling gipadayag ni  Miss Universe Philippines 2018 Catriona Gray nga pabor siya  sa pagsalmot ni  Angela sa  Miss Universe 2018.

Sa usa ka social media post niadtong Miyerkules, gitataw ni  Catriona  nga usa ka maayong desisyon ang pagkalakip ni Angela sa Miss Universe.

“I think it’s a step in the right direction to be more inclusive, and I think it educates us as a society on the whole to further understand people.I see nothing wrong with it, really,” matud pa niya.

Makadungag usab kini sa awareness  sa mga pagsulay nga gisagubang sa  mga LGBTQA (lesbian, gay, bisexual, transgender, queer, asexual) community.

“The problems and challenges that they do face and have to overcome, whether it be social stigma or even opportunities in the work place or just existing in our society in general, like, what are their needs, what do we as a society fall short in providing them,” matud pa niya.