Boss Yummy bibisita sa Tonight with Arnold Clavio
MANILA, Philippines – Ngayong Miyerkules, makakapanayam sa unang pagkakataon ni “Igan” Arnold Clavio ang isa sa mga naging pinakasikat na aktor at matinee idol noong ‘80s, na hanggang ngayon ay kumikinang pa rin ang pangalan sa Philippine showbiz—si Gabby Concepcion.
Sa Tonight with Arnold Clavio, kukumustahin ni Igan si Boss Yummy sa kanyang hit Telebabad show na Because of You kung saan ginagampanan n’ya ang papel ni Jaime Salcedo kasama si Kapuso actress Carla Abellana.
Alamin din ang iba pang pinagkakaabalahan ng aktor tulad na lamang umano ng pangingisda. Makiki-tsika rin si Igan sa buhay-pamilya ni Gabby.
Siyempre, babalikan din nilang dalawa ang mga highlight sa makulay na showbiz career ni Gabby kung saan malaking parte ang love team nila noon ni Megastar Sharon Cuneta—na pwedeng maihalintulad sa #AlDub phenomenon ngayon.
At para mas maging masaya ang kwentuhan, masusubok ang pagiging “bae” ni Boss Yummy sa pamamagitan ng isang kwelang game.
Abangan lahat ng ito sa Tonight with Arnold ngayong Miyerkules, 10:15 p.m., sa GMA News TV.
- Latest
