^

PSN Showbiz

Intriga lang

Sanden Anadia - Banat

CEBU, Philippines - Dili matud pa tinuod ang mga taho nga  nigawas nga tapuson na lang gumikan sa kahinay sa rating  ang seryeng The Legal Wife nga gibidahan nila ni Angel Locsin, Maja Salvador, JC de Vera ug Jericho Rosales. Suma pa sa mga bitoon sa maong serye nga usa lang kini ka intriga, gani puros mga positibong reaksyon ang nadawat sa The Legal Wife.

 

Dingdong mipaso na

Migradwar  kagahapon si Dingdong Dantes sa kursong BS Business Administration major in Marketing sa West Negros University. Gawas sa mga ginikanan ni Dingdong, misaksi usab sa pagpaso sa aktor mao ang iyang girlfriend nga si Marian Rivera.

 

Robin ni-absent sa klase

Ni-absent si Robin Padilla sa iyang klase sa miaging adlaw didto sa Spain gumikan kay gitambongan gyud niya ang kasal nila Karylle ug Yael Yuzon. Nibalik dayon si Robin sa Spain pagka-sunod adlaw.

 

Aswang

Ang istorya kalabot sa “aswang” maoy makita sa season 3 sikat nga US supernatural TV series nga Grimm . Ang maong episode maghisgot sa Fil-American couple nga nakabaton og anak apan dunay kaliwat nga “aswang” ang lalaki busa duna sila’y himoon nga ritwal.

 

Gipasalida gihapon

Dili na gyud mabangbang ang  Starting Over Again gumikan kay duna pa’y ubang mga sinehan sa Pilipinas ang padayon nga mipasalida sa maong pelikula nga gibidahan nila ni Piolo Pascual ug Toni Gonzaga. Mikita usab ang maong pelikula sa laing nasud.

 

Mo-surrender na unta

Giangkon ni  Ellen Adarna nga dunay mga higayon niadto nga ganahan na siya mobiya sa  showbiz apan nawala lang kini og kalit sa iyang huna-huna gumikan sa maayong opurtunidad nga gihatag sa ABS-CBN kaniya partikular na ang seryeng Moon of Desire.

 

Marian maayong tawo

Gibutyag ni Marian Rita Avila nga dili gyud siya makalimot sa pagkamaayong tawo ni Marian Rivera. Matud pa sa aktres nga dunay higayon nga gihatagan siya ni Marian og mga dress aron gamiton niya sa mga taping.

 

Pokwang nagpakahilom

Dili ganahan si Pokwang nga mohatag og komento sa giingong bugnaw nga pagtinagdanay nila ni AiAi delas Alas ug Kris Aquino. Suma pa niya nga naa lang siya sa tunga-tunga gumikan kay puros niya mga higala ang nahisgutan nga mga artista.

 

Teejay mihimakak

Gihimakak ni Teejay Marquez ang tsika nga matud pa duna siya’y gay benefactor hinungdan nga nakapalit siya og bag-ong sakyanan. “Galing 'yan sa dugo't pawis ko sa pagtatrabaho,” depensa pa ni Teej. 

 

Michael Buble ang tirada

Gisugdan na ni Daniel Padilla ang pag-praktis alang sa umaabot niya nga concert sa Araneta Coliseum karong April 30. Giingong mga kanta ni Michael Buble ang tirada ni Daniel sa maong concert.

 

Ginganlan na

Giingong dili basta-basta ang bag-ong inspirasyon ni Zsa Zsa Padilla ug nitumaw na ang pangalan niini. Ginganlan ang maong lalaki og Conrad Onglao ug duna kini kaugalingong kompanya nga ilado na sa American design industry.

 

Nagdoble ang serye

Todo trabaho karon si Meg Imperial gumikan kay gawas sa Galema, busy na usab siya karon sa taping sa gibidahan niya nga serye sa ABS-CBN nga Moon of Desire. Matud pa ni Meg nga dako kaayo nga break sa iyang career ang maong serye.

  

Dom  pasok sa Moon of Desire

 Nagmaya pag-ayo ang fans ni Dom Roque human nila masayri nga nalakip ang ilang idolo sa bag-ong serye sa ABS-CBN nga Moon of Desire . Unang mikisaw ang pangalan ni Dom niadto sa pantaseryeng Aryana.

 

First time

Gihimo na niadtong Biyernes ang  recording ni Lea Salonga sa  theme song sa  Dyesebel nga nag-ulohan og  "Ang Tangi Kong Kailangan” . Usa kini ka original composition nila ni Francis ug Carla Concio. Pagkahuman sa  recording,  mideretso dayon si  Lea sa  music video shoot.  Mao kini ang labing una nga higayon  nga  nag-record si Lea og  theme song alang sa usa ka serye sa Pilpinas. 

 

Carla best in paabot og TV project

Gipahibalo ni Carla Abella nga wala pa’y follow-up project nga gihatag kaniya sa GMA-7 apan nagmalaumon siya nga mahatagan siya niini sa sunod nga mga buwan.

Giklaro hinuon sa aktres nga wala siya mangluod sa iyang mother network gumikan kay nasayod siya nga duna’y gitagana nga maayong proyekto ang GMA-7 kaniya.

Samtang malipayon gisaysay ni Carla nga nahuman na gyud ang shooting sa pelikula nila ni Tom Rodriguez nga So It’s You .

“Malapit na ang showing. We’re targeting mga third week of April or if not baka first week of May,” matud pa sa aktres.

Masaligon si Carla nga makadawat og init nga  suporta sa katawhan ang maong pelikula ilabi na nga nasuwayan na ang chemistry nila ni Tom niadto pinaagi sa seryeng My Husband’s Lover sa GMA-7.

“So, reding-ready na kami. Super excited na kami na mapanood ng lahat yung pelikula.I play the role of Lira, isang happy-go-lucky girl na kengkoy, makulit, nakakatawa, baduy na babae pero maganda yung puso.'Tapos alam niya kung ano yung gusto niya. At kung paano niya makukuha yung gusto niya na gagawin niya lahat,” nagkanayon ang aktres.

Malaya: Lisod ang music business

Daghan matud pa og nakat-onan ang  Filipino-American finalist sa American Idol nga si Malaya Watson, sukad nahimo siya nga kabahin sa maong reality singing competition.

Bisan nakatungtong na siya  karon sa  Top 9 , gitataw ni Malaya nga dili gyud sayon ang  music business.

Suma pa niya nga kinahanglan gyud og lig-ong dedikasyon sa pagkanta busa dako kaayo og natabang kaniya ang American Idol.

 "The music business is not as easy as it looks. It takes a lot of precise dedication because it's not as easy as putting your clothes on, practicing your song and going onstage to sing. It's really hard, especially with me being young. But it's good training for the future," nagkanayon si Malaya.

Ang 16 anyos nga si Malaya maoy labing bata nga finalist sa 13 ka tuig na nga kasaysayan sa American Idol.

Suma pa niya nga iyang inahan nga usa ka Pinay  maoy niaghat kaniya nga mosalmot sa maong kompetisyon.

 

James naka-abs na

Giangkon ni  James Reid nga regular siya nga mag-gym hinungdan nga duna na siya’y abs. Gikinahanglan kini sa aktor gumikan kay nagpusot-pusot na karon ang iyang acting projects. Usa sa iyang gi-promote karon mao ang pelikulang Diary ng Panget. (BANAT NEWS)

vuukle comment

CENTER

MOON OF DESIRE

SIYA

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with