No. 2 ‘most wanted terrorist’ sa Bicol, timbog
MANILA, Philippines — Arestado ng pinagsanib na puwersa ng Criminal Investigation and Detection Group (CIDG), Special Action Force (SAF) at 903rd Infantry Battalion ang nakatalang Number 2 “most wanted terrorist” sa Bicol Region.
Sa bisa ng warrant of arrest, dinakip si alyas “Jose Maria”, 28, na may kasong 3-counts ng murder at paglabag sa RA 10591 (Comprehensive Firearms and Ammunition Regulation Act).
Walang inirekomendang piyansa sina Sorsogon City Regional Trial Court Branch 53 Acting Presiding Judge Donabel L. Breva-Bobier at Sorsogon City Branch 54 Executive Judge Bernardo R. Jiminez para sa mga naturang kaso.
Ayon sa CIDG, ang pagkakadakip kay Jose Maria ay bahagi ng pagpapatupad ng “Oplan Pagtugis”.
Nabatid kay CIDG Director PMGen. Romeo M Caramat Jr. na kilalang miyembro ng Communist Terrorist Group (CTG) si Jose Maria at nagsisilbi bilang Commanding Officer (CO) ng Special Partisan Unit (SPARU) Provincial Unit Guerilla (PYG) sa ilalim ng Bicol Regional Party Committee (BRPC).
Bukod ito, humahawak din ng posisyon si Jose Maria bilang CO, SRYG ng L2 KP3 na nago-operate sa probinsiya ng Sorsogon.
- Latest